Yasamal RPİ 29-cu PB əməkdaşlarının keçirdikləri əməliyyat-axtarış tədbirləri nəticəsində...

27.07.2017

Yasamal RPİ 29-cu PB əməkdaşlarının keçirdikləri əməliyyat-axtarış tədbirləri nəticəsində iyulun 23-də rayon ərazisində “Volksvagen” markalı avtomobildən 2800 ABŞ dolları oğurlamaqda şübhəli bilinən Abşeron rayon sakini Aynur Cəbrayılzadə tutulub.

Binəqədi RPİ 4-cü PB əməkdaşlarının daxil olan məlumat əsasında keçirdikləri əməliyyat-axtarış tədbirləri nəticəsində Binəqədi qəsəbə sakini, əvvəllər məhkum olunmuş Əmrulla Aslanova məxsus həyətyanı sahəyə baxış zamanı oradan 145 qram marixuana və kultivasiya yolu ilə yetişdirilən 4 ədəd çətənə kolu aşkar edilərək götürülüb.

İyulun 26-da Bakı şəhər sakini olan qadın son bir ay ərzində Səbail rayonu ərazisində yaşadığı mənzildən pulunun oğurlanması barədə DİN-in “102 Zəng Mərkəzi”nə müraciət edib. Məlumatla əlaqədar Səbail RPİ-nin 8-ci Polis Bölməsinin əməkdaşlarından ibarət əməliyyat qrupu həmin ünvana gəlib, hadisə yeri müayinə olunub, müvafiq araşdırmalar aparılıb. Ev sahibəsi izahatında gizli saxladığı pulunun içərisindən bir hissəsinin - 3350 manatının çəkilərək oğurlanmasını bildirib. “İsti izlər”lə keçirilmiş əməliyyat tədbirləri ilə polis əməkdaşlarında oğurluğun həyətdə kirayədə yaşayan şəxs tərəfindən törədilməsinə dair şübhələr yaranıb. Kirayəşin şübhəli şəxs qismində Polis Bölməsinə dəvət olunub. Araşdırmalarla onun Neftçala rayon sakini İlahə Əsədova olması müəyyən edilib. Əsaslı dəlillər qarşısında o, törətdiyi əməli etiraf edib. Ev sahibinin işdə olduğu müddətdə ora daxil olduğunu, pulun saxlandığı yerdən şübhə doğurmaması üçün ümumi məbləğdən 3350 manatı götürdüyünü, ələ keçirdiyi puldan müəyyən qədər kosmetik əşyalara xərclədiyini, qalan məbləğin isə evində olduğunu etiraf edib. Polis əməkdaşları tərəfindən həmin pul onun kirayədə qaldığı evdən döşəyin altından aşkar edilərək maddi sübut kimi götürülüb.    İ.Əsədova saxlanılıb. Faktla əlaqədar cinayət işi başlanılıb.