KRİMİNAL XRONİKA
Əsas səhifəMetropolitendə Polis Şöbəsinə müraciət edən Bakı şəhər sakini S.Məmmədova iyunun 25-də saat 7 radələrində...
25.06.2018
Metropolitendə Polis Şöbəsinə müraciət edən Bakı şəhər sakini S.Məmmədova iyunun 25-də saat 7 radələrində metronun “Koroğlu” stansiyasında qatarda naməlum şəxsin onun mobil telefonunu açıq talama yolu ilə aldığını bildirib.
Dərhal başlanan əməliyyat-axtarış tədbirləri ilə soyğunçuluğu törətməkdə şübhəli bilinən şəxs - Bakı şəhər sakini, əvvəllər oğurluğa görə məhkum olunmuş Elxan Qasımov qısa müddətdə polis əməkdaşları tərəfindən saxlanılıb.
Metropolitendə Polis Şöbəsində araşdırma aparılır.
Nizami RPİ 25-ci PŞ əməkdaşlarının keçirdikləri əməliyyat tədbirləri nəticəsində iyunun 8-də Bakı şəhər sakini E.Sadıqovanın mobil telefonunu soyğunçuluq yolu ilə almaqda şübhəli bilinən Oruc Sabutov saxlanılmışdır.
Yasamal RPİ 29-cu PŞ-nin əməkdaşları tərəfindən iyunun 24-nə keçən gecə A.M.Şərifzadə küçəsindəki evlərin birinin qarşısından 3 ədəd velosiped oğurlamaqda şübhəli bilinən Füzuli rayon sakini Samir İsgəndərov saxlanılmışdır.