KRİMİNAL XRONİKA

Əsas səhifə

Suraxanı RPİ 31-ci PB əməkdaşlarının keçirdikləri ...

01.01.2020

Suraxanı RPİ 31-ci PB əməkdaşlarının keçirdikləri əməliyyat tədbirləri nəticəsində ötən ilin aprel-noyabr ayları ərzində rayonun Əmircan, Suraxanı və Bülbülə qəsəbələri ərazisində yerləşən neft quyusu, buruq və anbardan elektrik mühərriki, məişət əşyaları və təmir-tikinti alətləri, Ramana qəsəbəsinin ərazisində yol kənarındakı sahəyə quraşdırılmış 4200 manat dəyərində misdən hazırlanmış çətir altında olan uşaq fiquru, habelə 11 evdən kondisioner, kombi aparatı, təmir-tikinti alətləri və məişət əşyaları oğurlamaqda şübhəli bilinən Suraxanı qəsəbə sakini, əvvəllər məhkum olunmuş B.Abdullayev saxlanılmışdır.
 
Ötən il dekabrın 31-də Nəsimi rayonu ərazisində yerləşən parkların birində şəxsiyyəti məlum olmayan 3 nəfər Bakı şəhər sakini bir nəfərin 300 manat dəyərində qızıl boyunbağısını soyğunçuluq yolu ilə almışdır.
Nəsimi RPİ 22-ci PŞ və NBPİ DYNPİ əməkdaşlarının keçirdikləri əməliyyat tədbirləri nəticəsində hadisəni törətməkdə şübhəli bilinən paytaxt sakinləri, əvvəllər məhkum olunmuş S.Əhmədov, E.Maqdiyeva və E.Quliyev saxlanılmışlar.

Oğurluq etdiyinə görə tutulmuş A.Həsənovun ətrafında Xətai RPİ 34-cü PŞ-nin əməkdaşları tərəfindən aparılmış əməliyyat tədbirləri ilə onun 2019-cu il dekabrın 31-nə keçən gecə rayon ərazisində yerləşən gözəllik salonlarının birindən 1 ədəd noutbuk oğurlaması da müəyyən edilmişdir. PŞ-yə ərizə ilə müraciət 31.12.19 tarixdə olmuşdur.

2019-cu il dekabrın 31-də Sabunçu qəsəbəsi ərazisində Bakı şəhər sakini İ.Ramazanov idarə etdiyi “Opel” markalı avtomobillə yolu keçən Füzuli rayon sakini Şəhriyar Cəfərovu vurmuşdur. Xəstəxanaya yerləşdirilmiş piyada yanvarın 1-də orada ölmüşdür. Sabunçu RPİ tərəfindən araşdırma aparılır.

Yanvarın 1-də saat 2 radələrində paytaxtın Nizami rayonu ərazisində Şirvan şəhər sakini S.Mehdiyev idarə etdiyi “Opel” markalı avtomobillə 45-50 yaşlı kişini vurmuşdur. Nəticədə piyada hadisə yerində ölmüşdür. Nizami RPİ tərəfindən araşdırma aparılır.

Yanvarın 1-də saat 22 radələrində Xətai rayonu ərazisində Bakı şəhər sakini F.Səfərli idarə etdiyi “BMW” markalı avtomobillə yolu keçən Elnar Eynullayevi vurmuşdur. Piyada xəstəxanaya aparılarkən yolda ölmüşdür. Xətai RPİ tərəfindən araşdırma aparılır.

Geriyə | Çap versiyası  

Ərazİ polİs orqanları

POLİS ANDI POLİS ANDI
QƏBULA YAZILMA QƏBULA YAZILMA

Axtarışda olanlar

lİnklər