Xəbərlər
Əsas səhifəNəsimi rayonunda polislər şagirdlərlə görüşüb
23.02.2019
Nəsimi rayonunda yerləşən 16 nömrəli orta məktəbdə narkomaniya və onun fəsadları və yol hərəkətinin təhlükəsizliyi ilə bağlı maarifləndirici tədbir keçirilib.
Yol hərəkəti qaydalarının gənclər arasında təbliğ olunması və anti-narkotik təbliğatının gücləndirilməsinə məqsədi ilə keçirilən tədbirdə Nəsimi Rayon Polis İdarəsinin rəisi, idarənin əməkdaşaları, məktəbin şagird və pedoqoji kollektivi iştirak edib.
Tədbirdə çıxış edən Nəsimi RPİ-nin rəisi, polis polkovniki Əbülfət Rzayev narkotiklərin qanunsuz dövriyyəsinə qarşı aparılan mübarizənin ümumdövlət vəzifəsi kimi 1996-cı ildə ulu öndər Heydər Əliyevin imzaladığı "Narkomanlığa və narkotik vasitələrin qanunsuz dövriyyəsinə qarşı mübarizə tədbirləri haqqında" Fərmanı ilə müəyyən edildiyini bildirib. Qeyd edilib ki, insanların sağlamlığının, rifahının və mənəvi əxlaqi-dəyərlərinin qorunması məqsədi ilə başlayan qətiyyətli mübarizə bu gün də uğurla davam etdirilir.
Tədbr iştirakçılarının diqqətinə çatdırılıb ki, qəbul edilən dövlət proqramları nəticəsində narkotik vasitələrin qanunsuz dövriyyəsi və narkomaniyanın yayılmasının qarşısının alınması istiqamətində müsbət nəticələr əldə edilib. Bununla belə, maarifləndirmə tədbirləri ilə gəncləri, yeniyetməliəri təhlükə barədə xəbərdar etmək, onları qorumaq, ayıq-sayıq olmaq lazımdır.
Eyni zamanda tədbirdə uşaq və yeniyetmələrin iştirakı ilə yol-nəqliyyat hadisələrinin qarşısının alınması istiqamətində profilaktiki tədbirlərin gücləndirilməsi, habelə ümumtəhsil məktəblərində şagirdlərə təhlükəsiz davranış vərdişlərinin aşılanması və tədris prosesinin səmərəliyinin yüksəldilməsi diqqətə çatdırılıb. Bu məqsədlə yol polisi tərəfindən məktəblərdə mütəmadi olaraq tədbirlərin keçirilməsinin, azyaşlılarla maarifləndirmə xarakterli görüşlərin davamlı olamsının əhəmiyyəti qeyd olunub.
Çıxış edən digər qonaqlar narkotik bəlasının və yol avtoqəzalar nəticəsində uşaq ölümləri hallarının ölkəmizdən də yan keçmədiyini təəssüf hissi ilə qeyd edərək, maarifləndirmə tədbirlərilə bu problemlərin həllində keyfiyyətcə yeni mərhələnin başladığını bildiriblər.
Sonda şagirdləri maraqlandıran müxtəlif suallar cavablandırılıb.
Ərazİ polİs orqanları
Axtarışda olanlar
lİnklər
-
Daxili İşlər Nazirliyi
www.mia.gov.az -
Baş Dövlət Yol Polisi İdarəsi
www.dyp.gov.az -
Daxili Qoşunların Baş İdarəsi
www.dq.mia.gov.az -
İnsan Alverinə qarşı Mübarizə Baş İdarəsi
www.insanalveri.gov.az -
Baş Pasport, Qeydiyyat və Miqrasiya idarəsi
www.bpqmi.gov.az -
Polis Akademiyası
www.pa.edu.az -
A.N.Heydərov adına Respublika Hospitalı
www.hospital.mia.gov.az -
XƏZRİ istirahət və sağlamlıq mərkəzi
www.khazri.mia.gov.az -
Şəxsi Heyətlə İş İdarəsi
www.shexsiheyet.mia.gov.az -
Polis qəzeti
www.pq.mia.gov.az/