Xəbərlər
Əsas səhifəXəzər Rayon Polis İdarəsində Xocalı soyqırımı anılıb
23.02.2019
Bu gün Xəzər Rayon Polis İdarəsində Xocalı soyqırımının 27-ci ildönümünə həsr olunmuş anım mərasimi keçirilib.
Mərasim soyqırım qurbanlarının xatirəsinin bir dəqiqəlik sükutla yad edilməsilə başlayıb.
Anım mərasimində çıxış edən Rayon Polis İdarəsinin rəisi, polis polkovniki İsfəndiyar Mehbalıyev bildirib ki, bu faicə xalqımıza qarşı törədilmiş ən qanlı cinayət hadisələrindən biridir. Bu qanlı cinayətin heç zaman unudulmayacağını bildirən polis polkovniki kütləvi qırğının yalnız xalqımıza qarşı deyil, bütün bəşəriyyətə qarşı yönəlmiş faciə adlandırıb. Bu qırğında yüzlərlə günahsız insan qətlə yetirilib, hətta uşağa, qocaya rəhm olunmayıb.
Məhz ulu öndər Heydər Əliyev hakimiyyətə qayıtdıqdan sonra faciəyə hüquqi-siyasi qiymət verildiyini xatırladan idarə rəisi, bəşəri cinayətin törədildiyi 26 fevral gününün Xocalı soyqırımı günü kimi qəbul edilməsinin də ümumilli liderin təşəbbüsü ilə olduğunu deyib.
Bu gün Prezident İlham Əliyevin rəhbərliyi ilə erməni millətçilərinin xalqımıza qarşı törətdikləri cinayətlərin, o cümlədən Xocalı faciəsi haqqında həqiqətlərin dünya ictimaiyyətinə çatıdırılması, onun soyqırım kimi tanınması üçün məqsədyönlü və ardıcıl fəaliyyət göstərildiyi tədbir iştirakçılarının nəzərinə çatdırılıb.
Polis Akademiyasının İctimai elmlər kafedrasının rəisi, polis kapitanı Rəhim Məcnunov faciənin baş vermə səbəbləri və onun nəticələri barədə geniş məruzə ilə çıxış edib. Ermənilərin Azərbaycan xalqına qarşı ərazi iddialarının ötən əsrin əvvəllərindən başlandığını qeyd edən natiq, 1988-ci ildən etibarən Ermənistanın aktiv hərbi təcavüzü nəticəsində torpaqlarımızın 20 faizinin işğal olunmasından, minlərlə insanın həlak olmasından, 1 milyondan çox insan qaçqın düşməsindən danışıb.
Tədbirin sonunda polis polkovniki İsfəndiyar Mehbalıyev bütün Qarabağ ərazisində bir daha oxşar faciələrin baş verməməsi üçün ölkəmizdə hökm sürən təhlükəsizliyin, əmin-amanlığın qorunub saxlanılmasının son dərəcə əhəmiyyətli olduğunu vurğulayıb.
Ərazİ polİs orqanları
Axtarışda olanlar
lİnklər
-
Daxili İşlər Nazirliyi
www.mia.gov.az -
Baş Dövlət Yol Polisi İdarəsi
www.dyp.gov.az -
Daxili Qoşunların Baş İdarəsi
www.dq.mia.gov.az -
İnsan Alverinə qarşı Mübarizə Baş İdarəsi
www.insanalveri.gov.az -
Baş Pasport, Qeydiyyat və Miqrasiya idarəsi
www.bpqmi.gov.az -
Polis Akademiyası
www.pa.edu.az -
A.N.Heydərov adına Respublika Hospitalı
www.hospital.mia.gov.az -
XƏZRİ istirahət və sağlamlıq mərkəzi
www.khazri.mia.gov.az -
Şəxsi Heyətlə İş İdarəsi
www.shexsiheyet.mia.gov.az -
Polis qəzeti
www.pq.mia.gov.az/